Маъмурий жавобгарлик тўғрисидаги кодексга Тиббиёт ходимининг ишига ноқонуний аралашганлик учун жазо чораларини қўллашга оид норма киритилмоқда.

Тегишли қонун лойиҳасига кўра, Кодекс 197-7-модда билан тўлдирилади.

Яъни келгусида тиббиёт ходимининг фаолиятига қонунга хилоф равишда аралашиш, яъни тиббиёт ходимининг тиббий ёрдам ёки тиббий хизмат кўрсатишига тўсқинлик қилиш, худди шунингдек тиббиёт ходимининг тиббий ёрдам ёки тиббий хизмат кўрсатишига тўсқинлик қилиш мақсадида ноқонуний топшириқлар бериш фуқароларга БҲМнинг 5 бараваридан 7 бараваригача, мансабдор шахсларга эса – 7 бараваридан 10 бараваригача миқдорда жарима солишга ёки 15 суткагача муддатга маъмурий қамоққа олишга сабаб бўлади.

Шунингдек, мазкур турдаги ҳуқуқбузарлик содир этилган тақдирда тиббиёт ходими маъмурий ҳуқуқбузарлик тўғрисида баённома тузмасдан ўз аризасида ҳуқуқбузарнинг шахси, маъмурий ҳуқуқбузарлик содир этилган жой, вақт ва унинг моҳияти тўғрисидаги маълумотларни, шунингдек, ишни ҳал этиш учун зарур бўлган бошқа маълумотларни кўрсатган ҳолда судга мурожаат қилиш ҳуқуқига (283-модда 7-қисмига киритилаётган ўзгартириш) эга.

• Лойиҳа
• МЖтК
• Тиббиёт