Тошкент ҳайвонот боғида илк бор пушти фламинго жўжалари дунёга келди. Бу ҳақда ташкилот матбуот хизмати Теlegram каналида хабар берди.

Биз буни жуда узоқ кутган эдик ва ниҳоят бир неча ҳафта олдин ҳайвонот боғимизда 3 та пушти фламинго жўжалари дунёга келди. Жўжалар соғлом ва виқорли ота-оналарига деярли ўхшамайди ҳозирча. Жўжаларнинг патлари ранги кулранг – пушти пигмент бир неча ой ичида пайдо бўлади. Энг қизиқ жиҳати эса, фламинго жўжалари жуда тез ривожланади. Бу ўзгаришлар биринчи 9 кун ичида, айниқса, сезилади”, – дейилади хабарда.

Таъкидланишича, жўжаларнинг туғилишига янги, кенг волер сабаб бўлган.

“Илгари қушлар уларга жуда яқин бўлган ташриф буюрувчилар сабабли доимий стрессни бошдан кечиришган, бу эса уларга муваффақиятли кўпайишларига имкон бермаган”, – деб тушунтирди матбуот хизмати.

• Ҳайвонот боғи
• Тошкент