Олмазор туманида 9 қаватли уй ёнида меҳмонхона қуриш учун қазилган котлован чети ўпирилгани ортидан жиноят иши қўзғатилди.

Мазкур ҳодиса 2 август куни Орзу массиви, 3-уй манзилида жойлашган қурилиш объектида юз берган эди.

Ижтимоий тармоқларда тарқалган видеода электр кабели шикастланиб, ёнғин чиққани, ишчилар орасида жароҳатланганлар борлиги кўринган. Тошкент шаҳар ҳокимлиги ҳодиса оқибатида бир нафар фуқаро жабрланганини тасдиқлади.

Алоқадор МЧЖ мансабдор шахсларининг хатти-ҳаракатларида Жиноят кодексининг 257-моддаси (меҳнатни муҳофаза қилиш қоидаларини бузиш) ва 192-11-моддасида (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) назарда тутилган жиноят аломатлари мавжудлиги сабабли жиноят иши қўзғатилган. Тергов ҳаракатлари олиб борилмоқда.

• Бош прокуратура
• Тошкент