Тошкент метрополитенининг “Чинор” бекатида реконструкция ишлари бошланиши муносабати билан 13 июндан бошлаб станция 50 кун муддатга йўловчилар учун вақтинча ёпилади. Лойиҳа доирасида бекатнинг кириш ва чиқиш қисмлари кенгайтирилади, ёши катта фуқаролар, ногиронлиги бўлган шахслар ҳамда болали оилалар учун 4 та замонавий лифт ўрнатилади.

Шунингдек, йўловчиларга хизмат кўрсатиш сифатини яхшилаш мақсадида қўшимча 12 та турникет ўрнатилиши режалаштирилган. Йўловчиларга қулайлик яратиш мақсадида “Чинор” ва “Янгиҳаёт” метро бекатлари ўртасида махсус метробуслар қатнови йўлга қўйилади.

Улар белгиланган жадвал асосида ҳаракатланиб, транспорт қатновининг узлуксизлигини таъминлайди. Мазкур реконструкция ишлари метро инфратузилмасини модернизация қилиш ва йўловчилар учун янада қулай шароит яратишга қаратилгани таъкидланди.