“АҚШ президенти билан савдо божларини пасайтириш масаласидаги муваффақиятсиз музокаралардан сўнг, Швейсария ҳукумати Оқ уйга швейсариялик саноат магнатларидан иборат делегация орқали Доналд Трампга қимматбаҳо совғалар юборишга қарор қилган. Бундан кўп ўтмай, АҚШ ушбу масалада Швейсария томони билан учрашишга рози бўлган”, – дея хабар бермоқда Axios.

Делегация таркибига қимматбаҳо металлар савдоси билан шуғулланувчи Швейсария трейдери МКС PAMP SA раҳбари Марван Шакарчи, люкс тоифадаги соатлар ишлаб чиқарувчи Rolex компанияси раҳбари Жан-Фредерик Дюфур ҳамда қимматбаҳо буюмлар ишлаб чиқарувчи Richemont компанияси кузатув кенгаши раисининг раиси Ёханн Руперт кирган.

“MKS PAMP SA бошлиғи томонидан Трампга қиймати 130 минг доллардан бироз ошиқроқ бўлган олтин қуймаси берилган, Дюфур эса АҚШ президентига стол устига қўйиладиган олтин соат совға қилган. Айнан шу олтин соат Трамп учун афзал кўриладиган совға сифатида кўрилган”, — дейди нашр манбаси.

Қўшма Штатлар Швейсариядан импорт қилинаётган маҳсулотларга нисбатан божларни 39 фоиз даражасида белгилаган эди. Швейсариялик саноатчиларнинг Оқ уйга ташрифидан кейин АҚШ ҳукумати Швейсария товарларига жорий этилган божлар миқдори 15 фоизга туширилганини эълон қилди.

Доналд Трамп аввалроқ ҳам бошқа давлатлар вакилларидан қимматбаҳо совғалар қабул қилган. Масалан, май ойида Қатар қироллик оиласи Трампга президент борти сифатида фойдаланиш мўлжалланган Boeing 747-8 самолётини совға қилган эди. Август ойида Apple бош директори Тим Кук сиёсатчига 24 каратли олтин асосга эга гравировка қилинган шиша диск совға қилган. Шунингдек, Оқ уй раҳбари октябрь ойида Жанубий Корея президенти Ли Чже Мёндан олтин тожни совға сифатида олган.

• АҚШ
• Президент
• Shveysariya
• Трамп