Бугун, 1 февраль куни соат 10:30 атрофида Туркиянинг Анталя шаҳри яқинида йўловчи автобус ағдарилиб кетди. Дастлабки маълумотларга кўра, Buzlu компанияси йўловчи автобуси ҳайдовчи бошқарувни йўқотиши оқибатида йўл четидаги тўсиқни бузиб ўтган ва чуқурликка тушиб кетган. Бу вақтда автобус Тақиртоғдан Испарта томон кетаётган бўлган.

Маҳаллий нашрларга кўра, ҳодиса оқибатида 8 киши ҳалок бўлиб, 26 киши жароҳатланган. Қайд этилишича, авариядан кейин йўловчилар автобус ичида қисилиб қолган.Жабрланувчилар шифохонага ётқизилган, улардан айримлари ўта оғир аҳволда. Йўловчиларнинг шахси маълум қилинмаган.

Анталя вилояти губернатори Хулуси Шаҳин “Йўл қопламаси нам бўлган, қолаверса, бу ҳудудда туман тушганди. Бу тезликни оширмаслик тавсия этиладиган жой ҳисобланади, аммо автобус катта тезликда ҳаракатланган кўринади”, – дея воқеани изоҳлаган. У, шунингдек, ҳодисанинг аниқ сабабини текширувлар якунига етгач маълум қилинишини билдирган.

• Antaliya
• Автобус
• Бахтсиз ҳодиса
• Туркия