Ҳеч кимга сир эмаски, уй ҳайвонлари болаларнинг ривожланишига ижобий таъсир қилади. Болалар уларни парваришлаш орқали масъулиятни ўрганишади ва бу машғулотдан завқ олишади.

Психологлар сотиб олинган уй ҳайвонлари болалар учун узоқ йиллар давомида ҳамроҳ, кичик дўст бўлиб қолишини таъкидлашади.

Уй ҳайвонлари аввало боланинг жисмоний фаоллигини оширади. Бу эса фарзандингизда семириш ёки диабет каби касалликларнинг ривожланиш хавфини камайтиради.

Шунингдек, уй ҳайвонлари болаларнинг янги билимларни эгаллашига туртки бўлади. Яъни кичкинтойларда атроф-муҳит ва ҳайвонот дунёсини ўрганишга қизиқиш ортади.

Психологларнинг фикрича, уй ҳайвонларини парваришлаш қиз болаларга нисбатан ўғил болалар учун кўпроқ фойдалидир. Чунки бу орқали болаларда атрофдагиларга ғамхўрлик қилиш, масъулиятли бўлиш каби тарбиявий ҳислатлар шаклланади.

Бундан ташқари, ўзининг уй ҳайвонларига эга бўлган болаларда ўзига ишонч кучли бўлади. Улар, шунингдек, ҳис-туйғуйларини ҳам яхши назорат қила олади.

• Болалар
• мушук