WhatsApp янги каналлар функциясини қўшади. Янгиланиш аввалига Колумбия ва Сингапурдаги, кейин эса бошқа мамлакатлардаги фойдаланувчилар учун тақдим этилади.

Каналлар ёрдамида ташкилотлар ва аниқ одамларнинг янгиликларини чатлардан алоҳида кузатиш мумкин бўлади. Администраторлар контентни нашр қилиш ҳуқуқига эга бўлади. Каналларни қидириш каталогда амалга оширилади, таклифнома орқали ҳам кириш мумкин бўлади.

Обуначилар администраторнинг сурати ва телефон рақамини кўра олмайди. Бундан ташқари, ҳеч ким маълум бир фойдаланувчи қайси каналларга обуна бўлганлигини кўра олмайди ва обуначиларнинг телефон рақамлари мутлақо ҳамма учун яширин бўлади.

Канал яратувчилари контентни бошқа жойга йўналтириш ёки уни кўраётганда скриншот олиш, қидирувларда ўз каналларини яшириш ва айрим фойдаланувчиларнинг обуна бўлишига йўл қўймаслик ҳуқуқига эга бўлади.

• Lifestyle
• WhatsApp
• қизиқарли