Нашрнинг қайд этишича, ўтган йилги 20 та тахминдан фақат учтаси амалга ошмаган.

1.     “Financial Times” нашрининг тахминларига кўра, Доналд Трамп бошқа АҚШ президенти бўлмайди. Бироқ, агар у Колорадо ва Мейн штатларида номзодлигига қарши қонуний тўсиқларни бартараф эта олса, сайлов жуда қизиқ пойгага айланади. Шунга қарамай, АҚШнинг амалдаги президенти Жо Байден сайловда ғалаба қозонади. Трамп овоз беришдан олдин тўртта суд жараёнидан камида биттасида айбдор деб топилади ва Трампнинг ҳаракатларини Байден ўзига нисабатан жиноий ҳамда сиёсий таъқиб сифатида таснифлайди.

2.     2023 йил охирида молиявий ёрдам билан боғлиқ муаммовий музокараларга қарамай, АҚШ ва Европа Иттифоқи Украинани молиялашда давом этади. Агар Трамп ҳақиқатан ҳам АҚШ президентлигига қайтса, бу Киев учун муаммога айланади, деб ёзади газета. Украина Ғарб томонидан қўллаб-қувватланса ҳам ҳарбий муваффақиятга эришиши қийин бўлиши мумкин. Шунингдек, Москва билан музокаралар олиб боришдан бошқа йўли қолмаслиги тахмин қилинмоқда.

3.     Исроил ва ХАМАС ўртасидаги урушга Ҳизбуллоҳ аралашганига қарамай, бу Яқин Шарқда кенг кўламли можарога олиб келмайди. Вазият жуда беқарор, аммо дипломатик босим уни бостиради деган умид билдирилган. Негаки, Вашингтон ҳам, Теҳрон ҳам Ҳизбуллоҳ ва Исроил ўртасидаги жанглар кучайган тақдирда минтақавий можаронинг кенгайишини истамайди, деб ёзади журналистлар.

4.     Х компанияси  2024 йилда банкрот бўлади. Гарчи Маск Тесла ва СпасеХ компанияларида бўлгани каби банкротлик ҳақидаги огоҳлантиришлардан мотивация сифатида фойдаланган бўлсада, бу сафар вазият унинг фойдасига ўйнамайди. Компаниялар Х-га реклама жойлаштиришдан воз кечишмоқда бунинг натижасида янги даромад оқимларини яратиш ҳаракатлари муваффақиятсизликка учрайди. Шу билан бирга, Маск банкротликдан омон қолиши ва барибир биринчи ўринга чиқиши мумкин, деб ўйлаб ўтиришга ҳам ҳожат йўқ дейилади нашр таҳлилларида.

5.     FT прогнозларига кўра, 2023 йилда дунё бўйлаб жуда кўп экстремал иссиқ ҳароратлар қайд этилганки, 2024 йил бу кўрсатгичлар рекорд даражага етади. Олимлар Тинч океанининг экваториал қисмида сувнинг сирт қатлами ҳароратининг ўзгариши туфайли цельсий бўйича 3 даражагача исиш кузатилгандан сўнг шу тахминга келишган.

6.     Журналистлар Хитойнинг иқтисодий ўсиши ҳали ҳам 4% дан ошишига ишонишмоқда.

7.     Шунингдек,  Урсула фон дер Леен яна Эвропа Комиссияси раҳбари бўлади, агар у кучлардан тўғри фойдалана олса, дейилади нашр анализларида. 

8.     Ҳамда Аргентинанинг янги президенти Хавер Майли миллий пул бирлиги песони долларга ўзгартирмаслиги тахмин қилинмоқда.

• Иқтисодиёт
• Журналистика