“4 март куни Ўзбекистон элчихонаси вакиллари турли сабабларга кўра Қатарда бўлиб турган ватандошлар ҳолидан хабар олиб, уларга зарур амалий ва ахборот кўмагини кўрсатди”, – деб хабар бермоқда “Дунё” агентлиги.

Элчи Ашраф Хўжаев Доҳа портига ташриф буюриб, “Cелестине cruises” кемасида бўлган 71 нафар фуқаролар билан учрашиб, уларга юзага келган вазият ҳақида батафсил маълумот берилган. Хусусан, Ўзбекистон ҳукумати Қатарнинг тегишли идоралари билан ҳамкорликда фуқаролар хавфсизлигини таъминлаш ҳамда вазиятдан келиб чиқиб уларни ватанга қайтариш механизмларини ишлаб чиқаётгани таъкидланган.

Шунингдек, Қатар туризм ташкилоти билан келишилган ҳолда 91 нафар фуқаромиз муносиб турар-жойлар билан таъминланган.

Элчихона вакиллари “Гранд Regal”, “Ҳамптон”, “Жоури Al Murwab” ва “Ретаж Ал Rayyan” меҳмонхоналарига ташриф буюриб, у ерларда вақтинча истиқомат қилаётган фуқаролар ҳақида аниқ маълумот тўплаб, уларнинг рўйхатини шакллантирди. Бу эҳтимолий эвакуация ёки бошқа ташкилий чораларни мувофиқлаштиришда муҳим аҳамият касб этади.

Айни пайтда Қатар ҳаво ҳудуди ёпиқлигича қолмоқда. Мамлакатда бўлиб турган хорижий сайёҳлар қўшимча расмий маълумот берилишини кутишмоқда.

• Konsullik
• Ўзбекистонлик
• Қатар
• fuqaro