DeepSeek-Р1 бепул сунъий интеллект чат-ботининг ишга туширилишидан икки кун ўтиб, Япония технологик компаниялари акциялари пасайишда давом этган, Nikkei 225 индекси 1,34 фоизга тушган. Шу билан бирга, Гонконгнинг Hang Seng индекси 0,14 фоизга ўсган.

27 январь куни DeepSeek компаниясининг чат-боти OpenAI компаниясини ChatGPT дастурини юклаб олишлар сони бўйича ортда қолдирган ва АҚШдаги App Store’да энг юқори рейтингга эга бепул иловалар қаторида биринчиликка чиққан.

Бу жараён Европа ва АҚШ фонд бозорларида беқарорликка сабаб бўлди. Германиянинг сунъий интеллект инфратузилмаси учун электр ускуналарини етказиб берувчи йирик компанияси Siemens Energy AG акциялари деярли 20 фоизга тушган. Nvidia чип ишлаб чиқарувчи компаниясининг бозор қиймати бир кунда қарийб 600 миллиард долларга пасайган.

• Акция
• Хитой
• aviakompaniya
• raqobat
• sun’iy intellekt