“Ўзенергоинспексия” Хоразм вилоят ҳудудий бошқармаси томонидан ўтказилган назорат тадбирида Ҳазорасп туманида “М. Э.” хусусий корхонасига қарашли қурилиш объектининг электр қурилмалари ҳисоблагичсиз тармоққа уланиб, электр энергиясидан ноқонуний фойдаланиб келаётганлиги аниқланган.

Ушбу қоидабузарлик натижасида электр таъминоти корхонасининг дастлабки ҳисоб-китобларига кўра 2 миллиард 917 миллион сўмлик зарар етказилганлиги маълум бўлган.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

• Электр энергияси
• Qoidabuzarlik
• Хоразм
• korxona