Айни кунларда Европанинг бир қанча давлатларида “Юнис” тўфони туфайли камида 16 киши ҳалок бўлди.

Қайд этилишича, Нидерландия ва Польшада тўрт, Буюк Британияда уч, Германия ва Белгияда икки нафардан, Ирландияда эса бир киши ҳалок бўлган.

Бундан ташқари, бўрон туфайли юз берган автомобил ҳалокатларида кўпчилик жароҳатланган учраган. Масалан, Франциянинг шимолида бундай одамлар сони 30 тага етган.

Маълум қилиничича, “Юнис” метеорологлар томонидан расман таснифланган бўрон эмас, бироқ бу сўнгги ўттиз йил ичида Европадаги энг кучли табиий офатлардан бири ҳисобланади. Унинг тезлиги соатига 200 километрдан ошади.

Миллионлаб уйлар вақтинча электр таъминотисиз қолган, кўплаб ҳудудларда эса поездлар ва бошқа жамоат транспортлари тўхтаб қолган. Офат зонасидаги аеропортлар юзлаб рейсларни бекор қилмоқда.

Шунингдек, Германия темир йўллари – “Deutsche Bahn” “Юнис” тўфони 1000 километрдан ортиқ йўлнинг электр тармоқлари ва сигналларига зарар етказганини эълон қилди.

Қайд этиш мумкин, Польшанинг шимоли-ғарбида бир миллионга яқин хонадон электрсиз қолган.

Нидерландия қўриқлаш хизмати Шимолий денгизда 26 та бўш контейнерларини қидирмоқда – улар соҳил яқинида Германияга жўнаб кетаётган контейнер кемасидан ювилиб кетган. Қидирув ишларига вертолётлар ва қайиқлар жалб қилинган, ҳудуддаги кемалар ҳам денгиздаги контейнерлар ҳақида огоҳлантирилган.

• Нидерландия
• Полша
• Табиий офат
• Европа
• Yunis