Қайд этилишича, ҳаракат 2019 йилдан ҳозирги пайтгача 100 нафар раҳбарнинг номини рўйхатга киритган. Улардан 15 фоизи вазир ва вазир ўринбосари лавозимига кўтарилган. 10 фоизи эса Президент админстрациясида турли лавозимларда фаолият юритмоқда. Яна 50 фоизининг мансаби юқорилаган.

Бу йил рейтингга илк бор нодавлат сектор вакиллари ҳам киритилган. Жумладан, Халқаро пресс-клуб раиси Жалолиддин Усмонов, Ўзбекистон Миллий медиа ассоциацияси Бош директори Абдуазиз Абутолипов, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Нозима Давлетова, “Замин” халқаро жамоат фонди директори Тамила Алиева рейтингдан жой олган.

Шунингдек, 8 нафар раҳбар рейтингга биринчи бор киритилган:

Адилбек Алланазаров (35 ёш) — Қорақалпоғистон Республикаси ёшлар сиёсати ва спорт вазири;

Бобур Бекмуродов (38 ёш) — “Юксалиш” умуммиллий ҳаракати раиси;

Мурод Исмоилов (40 ёш) — ёшлар сиёсати ва спорт вазири ўринбосари;

Ойбек Ҳамроев (40 ёш) — инвестициялар, саноат ва савдо вазири ўринбосари;

Расул Зарикеев (38 ёш) — Қорақалпоғистон Республикаси туризм ва маданий мерос вазири;

Умид Мамадаминов (40 ёш) — энергетика вазири ўринбосари;

Шуҳрат Худойқулов (39 ёш) — Uzbekistan Airways АЖ бошқаруви раиси;

Шерзод Рабиев (40 ёш) — адлия вазири ўринбосари.

Умуман олганда, бугунги кунда 21 нафар вазирдан 8 нафари (38 фоизи) – 35 ёшдан 45 ёшгача, 5 нафари (24 фоизи) – 46 ёшдан 50 ёшгача, 3 нафари (14 фоизи) – 51 ёшдан 55 ёшгачадир. Ҳокимларнинг ўртача ёши 46 ёшни ташкил этади.

• Yuksalish