Тошкент шаҳар ҳокими вазифасини бажарувчи Бахтиёр Раҳмонов коронавирусга қарши курашиш учун махсус ташкил этилган “Зангиота-1” ва “Зангиота-2” шифохоналари ҳудудида аввал ўрнатилган 40 та контейнерни қайта жиҳозлаш учун 900 миллион сўм ажратиш тўғрисида қарор қабул қилди.

Маблағлар Тошкент шаҳар маҳаллий бюджети маблағлари захирасидан ажратилиб, контейнерларни таъмирлаш ва коммуникасияларни (сув таъминоти, иссиқлик, канализасия ҳамда электр таъминоти) ётқизиш учун сарфланади.

Мазкур қарорнинг ижросини назорат қилиш Тошкент шаҳар ҳокимининг ўринбосари Д.Рахимова зиммасига юклатилган.

• Poliklinika
• Zangiota