Fransiya, Britaniya, Yaponiya, Saudiya Arabistoni va boshqalarni o‘z ichiga olgan 12 davlat Falastin ma’muriyatini qo‘llab-quvvatlash uchun donorlar koalitsiyasi tuzdi. Bu haqda Fransiya Tashqi ishlar vazirligi ma’lum qildi. Koalitsiyaning maqsadi — Falastinning moliyaviy barqarorligini ta’minlash, davlat boshqaruvini saqlab qolish va aholiga xizmat ko‘rsatishda davom etishga yordam berish.

Bu tashabbus Isroilning Falastin soliq va bojxona tushumlarini ushlab qolishi ortidan kelib chiqqan moliyaviy inqiroz bilan bog‘liq. Kamida 170 mln dollar yordam va’da qilingan, shundan 90 mln dollarini Saudiya Arabistoni ajratadi. Koalitsiya Isroilni Falastinga moliyaviy tushumlarni darhol o‘tkazishga va ma’muriyat faoliyatiga to‘siq qo‘ymaslikka chaqirdi. Bugunga qadar 150 dan ortiq davlat Falastin davlatini rasman tan olgan.

• Falastin
• Fransiya
• Saudiya Arabistoni