31°
Kechasi 18°
Oq uy tomonidan e’lon qilingan 20 banddan iborat yangi reja bo‘yicha, G‘azo sektorida vaqtinchalik tashqi boshqaruvni xalqaro ishtirokchilar bilan birgalikda tashkil etish taklif qilinmoqda. AQSh prezidenti Donald Trampning G‘azo bo‘yicha ilgari surgan rejasida, garovga olingan shaxslar ozod qilinishi evaziga zudlik bilan harbiy harakatlarni to‘xtatish, Isroil qo‘shinlarini hududdan olib chiqish va mojaroni muzlatish ko‘zda tutilgan.
Tramp, shuningdek, Isroil tomoniga uning taklifini qabul qilgach, garovdagilarni ozod qilish uchun 72 soatlik muddat ajratilishini ta’kidlagan. AQSh hukumati G‘azo sektorida vaqtinchalik barqarorlikni ta’minlash uchun arab davlatlari va xalqaro hamkorlar bilan hamkorlikda maxsus kuchlar tuzishni rejalashtirmoqda. Rejada qatnashadigan davlatlar uchun G‘azoda maxsus iqtisodiy zona tashkil etilishi va bu borada ular imtiyozli shartlarga ega bo‘lishi belgilangan.
Shuningdek, reja doirasida qurolsizlanishga rozi bo‘lgan va tinch hayotni tanlagan XAMAS a’zolari uchun amnistiya berilishi nazarda tutilmoqda. Oq uyning ta’kidlashicha, Tramp ilgari surgan taklifda Isroil G‘azo sektorini bosib olmasligi va hududni anneksiya qilmasligi qat’iy ko‘rsatilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
