Farg‘ona viloyati Rishton tumanida “Buloqboshi gulshani” fermer xo‘jaligi rahbari G‘ayratjon Xayrullayevning uyida ichki ishlar xodimlari bilan janjal yuz berdi.

Fermerning so‘zlariga ko‘ra, 3 nafar xodim g‘alla rejasiga oid bahona bilan uning uyiga kirib kelib, to‘pponcha o‘qtab tahdid qilgan. Holatga aralashgan fermerning 70 yoshdan oshgan onasi esa itarilib, yerga yiqilgan va hushidan ketgan.

“Birjaga 17 tonna don topshirganman, uyimda bir kilo ham don yo‘q. Onam bir hafta shifoxonada yotib zo‘rg‘a o‘ziga keldi”, — deydi fermer.

Shuningdek, yana bir fermer paxtaga o‘g‘it uskunasi hokimiyatga topshirilmagani uchun 5 sutkaga qamalgani aytilmoqda.

Rishton tumani hokimi Bahodir Xoliqov esa xodimlar fermerga to‘pponcha o‘qitmaganini, ular faqat tushuntirish uchun borganini bildirgan.

• Farg‘ona