Bu haqda Davlat xavfsizlik xizmati xabar berdi.

Ma’lum qilinishicha, 116 ta nazorat tadbirlarida 39 ta noqonuniy qum-shag‘al qazib olish, 36 ta daraxt kesish, 15 ta baliq ovlash, 6 ta noqonuniy qurol saqlash va ov qilish, 20 ta ekologiyani ifloslantirish kabi holatlar aniqlangan.

Jumladan, Sirdaryoning Bo‘ka tumanidan oqib o‘tuvchi qismida Oqqo‘rg‘on tumanida yashovchi 2 fuqaro noqonuniy elektr qarmoq yordamida 16 ta sazan, 12 dona karas hamda 3 dona “Qizil kitob”ga kiritilgan Turkiston mo‘ylovdorini ovlab, tabiatga 622,1 million so‘mlik zarar yetgan.

Holat yuzasidan to‘plangan hujjatlar Bosh prokuratura organlariga yuborilgan.

Fuqarolardan biri ushbu jinoyatni 2025-yilning iyun oyida ham sodir etgani sababli unga nisbatan 286 million so‘m jarima tayinlanib, tegishli moddalarga asosan jinoyat ishi qo‘zg‘atilgan bo‘lgan.

Boshqa bir holatda esa Jizzax viloyatining Mirzacho‘l tumanida 2 nafar shaxs noqonuniy ov qilayotgani aniqlanib, ulardan 12 dona o‘q tegishli tartibda olib qo‘yildi. Hozirda tergovga qadar tekshiruv harakatlari olib borilmoqda.

• Baliqchilik
• DXX
• Qoidabuzarlik