Pistoriusning ta’kidlashicha, bunday qaror kutilgan holat hisoblanadi.

“Amerika Qo‘shma Shtatlarining Yevropadan, jumladan Germaniyadan o‘z qo‘shinlarini qisman olib chiqishi kutilgan edi. Hozirda gap Germaniyada joylashgan qariyb 40 ming nafar amerikalik harbiydan 5 ming nafari haqida ketmoqda”, — dedi u.

Shunga qaramay, Germaniya AQSH qo‘shinlarining Yevropada bo‘lishi har ikki tomon manfaatlariga mos kelishini ta’kidlamoqda.

“Biz Ramshteyn, Grafenvyor, Frankfurt va boshqa hududlarda Yevropa ittifoqchilari bilan birgalikda tinchlik va xavfsizlikni ta’minlash, shuningdek, Ukraina masalasida ham hamkorlik qilmoqdamiz. AQSH esa bu yerda Afrika va Yaqin Sharqdagi xavfsizlik kabi boshqa harbiy vazifalarni ham amalga oshirmoqda”, — dedi Pistorius

Nashr qayd etishicha, ushbu holat NATOning yanada “yevropalashishi” zarurligini ko‘rsatmoqda. Pistorius fikricha, Yevropa davlatlari bunday sharoitda o‘z xavfsizligi uchun ko‘proq mas’uliyatni o‘z zimmasiga olishi kerak.

“Armiyamiz kengaymoqda, biz innovatsiyalarga tayanib, ko‘proq texnika xarid qilmoqdamiz va infratuzilmani tez sur’atlarda rivojlantirmoqdamiz”, — deya qo‘shimcha qildi u.