“2022–2026-yillarda “Obod qishloq” va “Obod mahalla” dasturlarini amalga oshirish chora-tadbirlari to‘g‘risida”gi Prezident qarori (PQ–172-son, 18.03.2022 y.) qabul qilindi.
Qarorga ko‘ra, 2022–2026-yillarda “Obod qishloq” va “Obod mahalla” dasturlari doirasida qurilish, ta’mirlash hamda obodonlashtirish ishlari amalga oshiriladigan qishloq va mahallalar soni bo‘yicha maqsadli parametrlar tasdiqlandi.
Ma’lum qilinishicha, ichki yo‘llarni ta’mirlash uchun 2 trillion so‘m, ichimlik suv ta’minotini yaxshilash uchun 1 trillion so‘m, ijtimoiy soha va boshqa ob’yektlarni qurish (ta’mirlash) va obodonlashtirishga 1,4 trillion so‘m mablag‘ ajratiladi.
Belgilangan yillarda respublikadagi jami 2 043 qishloq va mahallalarda (jumladan, 2022-yilda 413 tasida) qurilish, ta’mirlash, obodonlashtirish ishlari amalga oshiriladi.
Dasturlar doirasida belgilangan yillarda jami 4 057 ta ijtimoiy soha ob’yektlarini, jumladan, 2022 yilda 143 ta bog‘cha, 265 ta maktab, 137 ta sog‘liqni saqlash muassasasini qurish, rekonstruksiya qilish va ta’mirlash rejalashtirilgan.
Qayd etilishicha, 27 722,5 km ichki yo‘llar (2022-yilda – 5 113,2 km), 18 574,8 km ichimlik suv tizimlari (2022-yilda – 3 881,7 km tarmoq, 432 ta inshoot) yaxshilanadi.
Jami 5 962 ta fuqarolarning o‘zini o‘zi boshqarish organlari komplekslari, bozorlar (jumladan, 2022-yilda 253 ta mahalla binosi va guzar, 894 ta bozor) quriladi hamda ta’mirlanadi.
5 284,2 km optik tolali aloqa tarmoqlari (2022-yilda – 1 327,1 km) quriladi;
78 ta yangi avtobus yo‘nalishlari (2022-yilda 16 ta) tashkil etiladi.
Qarorga ko‘ra, 2023-yildan:
– qishloq va mahallalardagi mavjud ishlab chiqarish hamda ijtimoiy infratuzilma ob’yektlarining haqiqiy holati tasdiqlangan mezonlar asosida baholanib boriladi;
– baholash natijalariga ko‘ra eng past ko‘rsatkich qayd etgan va o‘tgan davr mobaynida Dasturlarga kiritilmagan qishloq va mahallalar Dasturlarga birinchi navbatda kiritiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!