O‘zbekistonda fuqarolarni salomatlik ko‘rsatkichlari bo‘yicha to‘rt guruhga ajratish maqsadida birlamchi tizimi orqali tibbiy xatlovdan o‘tkazilmoqda.
Xususan:
1 tayanch guruhi — amaliy sog‘lom shaxslar;
2 past xavf guruhi — tez-tez kasal bo‘luvchilar;
3 o‘rta xavf guruhi — surunkali kasalliklari bor bemorlar;
4 yuqori xavf guruhi — o‘zgalar parvarishiga muhtoj, yotib qolgan, nogiron bemorlar.

Sog‘liqni saqlash vazirligi salomatlik ko‘rsatkichlari bo‘yicha mazkur to‘rt guruhga mansub aholi uchun maslahatlar berdi:
- sog‘lom ovqatlanish tamoyillariga amal qilish;
- kun davomida oz-ozdan 4-5 marotaba ovqatlanish;
- kamida 400 gr meva va sabzavotlar, ko‘katlar iste’mol qilish;
- tarkibida yog‘, qand va tuz miqdori ko‘p bo‘lgan mahsulotlarni cheklash;
- kechki ovqatni 19:00 dan kechiktirmaslik.

Jismoniy faollik:
- 10-15 daqiqalik ertalabki badantarbiya mashqlarini bajarish;
- kun davomida kamida 30 daqiqa jismoniy mashq qilish;
- kechki sayrga chiqish;
- imkon qadar sportning biror turi bilan shug‘ullanish.

Tamaki chekish va spirtli ichimliklar iste’mol qilishdan yiroq bo‘lish kerak. Zararli odatlar salomatlikka putur yetkazadi va umrni qisqartiradi.

Shaxsiy gigiyena qoidalariga rioya qilgan holda qo‘llarni ovqatdan oldin va keyin, ko‘chadan uyga kirganda va hojatdan so‘ng sovunlab yuvish lozim. Shuningdek, kuniga 7-8 soat uxlab, yilda bir marotaba oilaviy shifokor ko‘rigidan o‘tish zarur.

• salomatlik