Andijon viloyati Izboskan tumanida yashovchi Muslimaxon Fayzullayeva va uning turmush oʻrtogʻi Dostonbek Fayzullayev biryoʻla uch egizak oʻgʻillarning ota-onasiga aylandi.

Qayd etilishicha, tugʻruq jarayoni viloyat perinatal markazida mahoratli shifokorlar nazorati ostida kesarcha usulida, asoratsiz amalga oshirilgan. Natijada chaqaloqlar 1 715, 2 350 va 2 510 gramm vazn bilan dunyoga keldi.

Hozir ona va goʻdaklarning salomatligi yaxshi. Birinchi goʻdak nisbatan kam vazn bilan tugʻilganligi bois alohida parvarishlanmoqda.

Ikkinchi va uchinchi farzandlarning zarur vitamin hamda ona suti bilan oziqlanishi esa neonatolog shifokor va hamshiralar nazoratida.

Mavzuga doir: Gulistonda uch egizak qiz dunyoga keldi

• Andijon
• egizaklar