Apple TV+ “Formula-1” haqida suratga olingan yangi filmni namoyish etish huquqini sotib oldi. Filmdagi bosh rolni taniqli aktyor Bred Pitt ijro etgan. Uni namoyish etish huquqi uchun “Paramount“, ”MGM“, ”Disney“, ”Sony“, ”Universal“ studiyalari, shuningdek ”Netflix” va “Amazon” striming platformalari daʼvogarlik qilayotgan edi.

Maʼlum boʻlishicha, Bred Pitt filmda poygachi rolini ijro etadi va syujetga koʻra, yosh poygachi uchun ustozlik qilish maqsadida nafaqadan qaytadi. Filmni suratga olish ishlarida “Formula-1” avtopoygachisi va jahonning 7 karra chempioni Lyuis Xemilton ham ishtirok etgan. Uning ekran asariga prodyuserlik qilgani aytilmoqda.

Film “Top Gan: Meverik” rejissyori Jozef Kosinski tomonidan suratga olingan. Uning tomoshabinlar eʼtiboriga qanday nom bilan taqdim etilishi hozircha aniq emas.

• Apple
• Avtopoyga
• Kino