AQSh Senati Amerikaning O‘zbekistondagi yangi elchisi lavozimiga Jonatan Henik nomzodini ma’qulladi. Bu haqda AQSh Kongress palatasi matbuot xizmati xabar berdi.

AQShning O‘zbekistondagi avvalgi elchisi Deniyel Rozenblyum o‘z faoliyatini Qozog‘istonda davom ettirishi aytilgan.

Ma’lumot uchun, Henik Kolumbiya universitetida xalqaro munosabatlar bo‘yicha magistrlik darajasini olgan.

O‘tgan yildan beri u Milliy mudofaa universiteti qoshidagi Axborot va kibermakon kollejida AQSH Davlat departamenti kafedrasi mudiri lavozimida ishlab kelmoqda.

Shuningdek, ilgari u Janubiy va Markaziy Osiyo masalalari byurosida Davlat kotibi yordamchisining o‘rinbosari lavozimida ishlagan. U Markaziy Osiyo davlatlari, shuningdek, Janubiy va Markaziy Osiyoda jamoatchilik diplomatiyasi va OAV bilan aloqalar bo‘yicha mas’ul bo‘lgan.

Jonatan Xenik Turkiyada jamoatchilik bilan aloqalar bo‘yicha vazir-maslahatchi, Sharqiy Timordagi missiya rahbari o‘rinbosari bo‘lgan. Ozarbayjon, Turkiya, Portugaliya va O‘zbekistonda ham ishlagan.

• AQSh
• Elchi
• Jonatan Henik
• O‘zbekiston