15-noyabr San-Fransiskoda AQSh prezidenti Jo Bayden va Xitoy rahbari Si Szinping shaxsiy uchrashuvi o‘tkazildi. Bu ularning so‘nggi bir yildagi ilk uchrashuvi bo‘ldi va ikki davlat o‘rtasidagi qarama-qarshilik keskinlashgan vaqtda bo‘lib o‘tmoqda. Muzokaralar Osiyo-Tinch okeani iqtisodiy hamkorligi (APEC) sammiti doirasida bo‘lib, ular shaharning aniq qayerida tashkillashtirilishi hozircha noma’lumligicha qolmoqda.
Xitoyning Xinhua axborot agentligi xabariga ko‘ra, Xitoy rahbari Amerika g‘arbidagi shaharga kecha kechqurun yetib borgan. Shu kuni Oq uy rahbarining samolyoti San-Fransiskoga qo‘ndi. Sammit ishtirokchi davlatlariga jahon iqtisodiyotining beshdan uch qismi to‘g‘ri keladi. APEC sammitida AQSh va Xitoydan tashqari yana o‘n to‘qqiz davlat vakillari ishtirok etadi. Ishtirokchi davlatlar umumiy ulushi jahon iqtisodiyotining 60 foizini tashkil qiladi, deya qayd etadi AFP.
AQSh Davlat departamentining APEC’dagi yuqori martabali rasmiy vakili Mett Myurreyga ko‘ra, Rossiyadan sammitda G‘arbning, jumladan, Yevropa Ittifoqining turli sanksiyalar ro‘yxatiga kiritilgan bosh vazir o‘rinbosari Aleksey Overchuk qatnashadi. Shu bilan birga, Overchuk Rossiyaning aksariyat yuqori rahbariyatidan farqli o‘laroq, AQSh sanksiyalari ostida emas.
AQSh prezidenti uchrashuv bo‘yicha o‘z umidlari bilan bo‘lishdi:
Seshanba kuni ertalab Jo Bayden Qo‘shma Shtatlar Xitoydan uzoqlashmoqchi emas, balki munosabatlarni yaxshilashni xohlayotganini aytdi. “Biz Xitoydan uzoqlashishga harakat qilmayapmiz. Biz munosabatlarni yaxshi tomonga o‘zgartirishga intilyapmiz”, dedi u San-Fransiskoga uchishidan biroz oldin Oq uyda jurnalistlarga.
“Uchrashuvda nimaga erishmoqchisiz?” degan savolga, Amerika Qo‘shma Shtatlari prezidenti “normal munosabatlarga qaytishni, inqiroz paytida telefonni ko‘tarib, o‘zaro gaplasha olishni, (harbiy) kuchlar hali ham aloqada ekaniga ishonch hosil qilishni”, deb javob qaytargan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!