14 yillik ishlab chiqishdan so‘ng “Samson Switchblade” uchar mashinasi uchish litsenziyasini oldi.

Amerika Qo‘shma Shtatlari bir tugmani bosish orqali samolyotga aylanadigan uch g‘ildirakli sport avtomobili – “Samson Switchblade”ni sinov parvozlariga tayyorligini e’lon qildi. Bu haqda NewAtlas nashri xabar bermoqda.

Ta’kidlanishicha, ushbu transport vositasi qanotlarining o‘ziga xos dizayni tufayli ushbu nomni olgan. Mashinaning to‘liq konvertatsiyasi taxminan uch daqiqa davom etadi.

“Samson Switchblade” 190 ot kuchiga ega 3 silindrli, 1,6 litrli suyuqlik bilan sovutilgan dvigatel bilan jihozlangan. Shu bilan birga, avtomobil uch g‘ildirakli bo‘lgani uchun u ko‘plab hududlarda mototsikl sifatida ro‘yxatga olinishi mumkin. Shunindek, avtomobil soatiga 201 km telikda harakatlanadi, parvoz tezligi esa soatiga 257 kmgacha bo‘ladi.

Bundan tashqari, avtomobil to‘liq yoqilg‘i baki bilan 724 kilometr masofani bosib o‘ta oladi. Uchish uchun 335 metr, qo‘nish uchun esa 213 metr uzunlikdagi uchish-qo‘nish yo‘lagi talab qilinadi.

Avtomobilning taxminiy narxi 150 ming AQSh dollarini tashkil qiladi.

• AQSh
• Avtomobil
• Foydali
• qiziqarli