Seshanba kuni kechqurun Armaniston-Ozarbayjon chegarasidagi vaziyatning keskinlashuvidan soʻng Armanistonda Pashinyanning isteʼfosini talab qilib respublika parlamenti oldida olomon toʻplandi.

“Peshinyan mamlakatimiz bosh vaziri boʻlib qolar ekan, ilgari 44 kunlik urushda boʻlgani kabi bolalarimiz yana oʻldiriladi. Biz Ozarbayjonga aslida Armanistonning eng katta dushmani boʻlgan Nikola Pashinyanni berishga tayyormiz”, – deydi siyosatchi, Armanistonning Polshadagi sobiq elchisi Edgar Kazaryan.

Shuningdek, u fuqarolarning tarqalmasliklari va ertalab deputatlarni parlament binosiga kiritmaslikka harakat qilishga chaqirdi.

Eslatib oʻtamiz, Armaniston va Ozarbayjon chegarasida boʻlib oʻtgan qurolli toʻqnashuvda 3 nafar tinch aholi vakillari jarohatlangan.

• Armaniston
• Pashinyan
• qo'zg'olon