Kaliforniya universiteti astrofiziklari yulduzlarning ikkilik tizimini kashf etishdi. Ular bir-biriga shunchalik yaqin joylashganki, ular bir yulduzdek tuyuladi.

Yulduzlarning to‘liq aylanishi atigi 20,5 soatni oladi. Tadqiqotlar shuni ko‘rsatdiki, ular boshqa shunga o‘xshash tizimlarga qaraganda ancha eski hisoblanadi.

Ultrasalqin mitti yulduzlar Somon yo‘lidagi eng ko‘p sonli yulduzlar hisoblanadi. Ular faqat infraqizil nurlar chiqaradi va ularni faqat maxsus sozlangan teleskoplar yordamida aniqlash mumkin.

Ilgari olimlar yulduzlar bir-biriga juda yaqin bo‘lishi mumkinligini nazariy hisoblab chiqdilar. Ammo endigina ular bunday yulduz tizimini haqiqatda kuzatishga muvaffaq bo‘lishdi.

Tizimga LP 413-53AB ilmiy nomi berildi. Astronomlarning ta’kidlashicha, tizimning yorqinligi bir necha daqiqada o'zgargan, bu uning ishtirokchilarining juda zich o‘zaro ta’siridan dalolat beradi. Ikki yulduzli yulduzlarning yoshi bir necha milliard yil deb baholangan. 

• Koinot
• Lifestyle
• qiziqarli