Toshkent viloyati va Toshkent shahrida o‘tkazilgan nazorat tadbirlarida atmosfera havosini ifloslantirgan 46 ta issiqxona faoliyati to‘xtatildi, 37 ta issiqxona egasi jarimaga tortildi. Bu haqda Ekologiya vazirligi matbuot xizmati xabar berdi.

Matbuot xizmati ma’lumotlariga ko‘ra, yana 426 issiqxona egalari atrof-muhit standartlariga javob beradigan chang va gaz tozalash uskunalarini o‘rnatish zarurligi, shuningdek, rezina qoldiqlari kabi chiqindilarni yoqilg‘i sifatida ishlatmaslik to‘g‘risida ogohlantirilgan.

Davlat ekologik nazorat inspeksiyasi mutaxassislari Toshkent viloyatining Zangiota, Qibray, Toshkent tumanlarida, shuningdek, Toshkentning Mirzo Ulug‘bek, Yashnobod, Bektemir va Olmazor tumanlarida havo ifloslanishini tahlil qildilar.

Monitoring doirasida 486 ta issiqxonada tadqiqot va tushuntirish ishlari olib borildi. Ma’lum bo‘lishicha, ishlaydigan 440 issiqxonadan 46 tasi mavsumiy va qozonxonalar bilan jihozlanmagan. Zangiota tumanida 16 ta, Qibray tumanida 10 ta, Toshkent tumanida 4 ta, Yunusobod tumanida 11 ta, Mirzo Ulug‘bek tumanida 5 ta shunday issiqxona aniqlangan.

• Issiqxona
• O‘zbekiston
• Toshkent
• Toshkent viloyati