Basketbol federatsiyasi bir guruh mas’ullari jinoiy til biriktirib, 197 mln so‘m mablag‘ni jamiyat hisobiga o‘tkazib, talon-toroj qilgani aniqlandi. Bu haqda Bosh prokuratura ma’lum qildi.
Basketbol federatsiyasi ijrochi direktori Y.S. ishlar boshqaruvchisi S.I. bilan jinoiy til biriktirib, S.I. ning onasi va ukasi nomiga “S.A.G.” MCHJ tashkil qilgan. Hamda, ijrochi direktorning sportchilar sog‘ligini monitoring qilishga mo‘ljallangan 2 dona aslida yetkazib berilmagan maxsus uskunalar uchun federatsiyadan 197 mln so‘m mablag‘ni jamiyat hisobiga o‘tkazib, shaxsiy ehtiyojlariga sarflab yuborgani aniqlandi.
Shuningdek, federatsiyaning 1-vitse-prezidenti X.G. federatsiyaga tegishli bo‘lgan korporativ plastik kartadan noqonuniy ravishda foydalanib, 162 mln so‘m pulni talon-toroj qilgan.
Qayd etilishicha, yuqorida nomi keltirilgan shaxslar federatsiyaga go‘yoki homiylarni jalb qilish xizmatlarini ko‘rsatish haqida soxta shartnoma rasmiylashtirib, federatsiyaning 130 mln mablag‘ini o‘zlashtirib yuborishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!