Kecha, 21-fevral kuni Bolgariyaning Sofiya shahrida davom etayotgan boks bo‘yicha Stranja—2023 musobaqasining ikkinchi kungi janglari bo‘lib o‘tdi.

Bahslarda ishtirok etgan 13 nafar o‘zbekistonlik bokschidan 12 nafari keyingi bosqich masalasini naqd qildi. Janglardan birida o‘zbekistonlik bokschilar o‘zaro to‘qnash keldi.

-71 kg vazn toifasida harakat qilayotgan o‘zbekistonliklar to‘qnashuvida Saidjamshid Ja’farov Iqboljon Xoldorovni mag‘lubiyatga uchratdi.

Kechagi janglar natijalari:

Abdumalik Halokov (-57 kg) Ekvador vakili Jan Kaysedoni taslim etdi (5:0);

Ruslan Abdullayev (-63,5 kg) Dmitriy Jashkevichni (YBK) mag‘ulubiyatga uchratdi (5:0);

Mujibillo Tursunov (-63,5 kg) gruziyalik Lasha Gagnidzedan ustun keldi (5:0);

Nurislom Ismoilov (-71 kg) jazoirlik Yachi Yusuf Islomni yengdi (5:0);

Saidjamshid Ja’farov (-71 kg) o‘zbekistonliklar to‘qnashuvida Iqboljon Xoldorovni mag‘lub etdi (5:0);

Mirazizbek Mirzaxalilov (-54 kg) irlandiyalik Dilan Iglesonni mag‘lub etdi (5:0);

Asadxo‘ja Mo‘ydinxo‘jayev (-67 kg) Argentina vakili Markos Joelni yengdi (5:0);

Bekzod Hamidovning (-67 kg) raqibi sog‘lig‘idagi muammo sabab ringga chiqmadi va O‘zbekiston vakili keyingi bosqichga yo‘l oldi;

Shahzod Muzaffarov (-54 kg) braziliyalik Pablo de Xesusdan ustun keldi (5:0);

Shohjahon Abdullayev (-86 kg) bolgariyalik Kristian Dimitrovni yengdi (3:2);

Odiljon Aslonov (-80 kg) Braziliya vakili Vanderley Pereyrani mag‘lubiyatga uchratdi (5:0);

Madiyor Saidrahimov (-92 kg) lyuksemburglik Mishel Yerpeldingni yengdi (5:0).

O‘z navbatida, bugun 10 nafar o‘zbekistonlik bokschi ringga ko‘tariladi.

Bugungi qarama-qarshiliklar:

-52 kg: Nozimaxon Bulturova - Jyoti (Hindiston)

-60 kg: Shunqor Abdurasulov - Aykol Mizan (Turkiya)

-60 kg: Athamjon Muhiddinov - Katalino Vargas Viktor Manuel (Ispaniya)

-60 kg: Dilshod Abdumurodov - Varinder Singh (Hindiston)

-63,5 kg: Ruslan Abdullayev - Abdullo abu Arab (Daniya)

-63,5 kg: Mujibillo Tursunov - Yertugan Zeinulinov (Qozogiston)

-75 kg: Havasbek Asadullayev - Moreno Fendero (Fransiya)

-75 kg: A’loxon Abdullayev - Abdulaziz Abdupattayev

+92 kg: Bahodir Jalolov - Joshua Edvards (AQSh).

• Boks
• O‘zbekiston
• Stranja