Toshkent viloyatining Bo‘stonliq tumanidagi tog‘larda adashib qolgan besh kishiga yordam berildi. Bu haqda FVV matbuot xizmati xabar berdi.

Ma’lum bo‘lishicha, 30-iyun kuni soat 00:30 da Toshkent viloyati Favqulodda vaziyatlar boshqarmasining Tezkor boshqaruv markaziga besh nafar fuqaro Bo‘stonliq tumanidagi tog‘larda yo‘ldan adashib qolib, pastga tushib olishda yordam so‘rab murojaat qilgan.

Kelib tushgan murojaatga asosan, manzilda adashib qolgan besh nafar fuqaroni izlab topish va ularni qutqarish Beldersoy tog‘ining Qumbelsoy hududida amalga oshirilgan. Qidiruv-qutqaruv ishlariga Chimyon yong‘in-qutqaruv otryadining bir guruh qutqaruvchilar jalb qilingan.

Qutqaruvchilarning sa’y-harakatlari natijasida yo‘ldan adashgan fuqarolar topilib, sog‘-salomat pastga olib tushilgan.

• Chimyon
• FVV
• Toshkent