Quyoshdan saqlanish va D vitamini iste’molini cheklash yuqori darajadagi tashvish bilan bevosita bog‘liq bo‘ladi. Zayed universiteti (BAA) olimlari shunday xulosalarga keldi.

Inson organizmidagi D vitaminining asosiy maqsadi ingichka ichak devorlari orqali oziq-ovqatdan kalsiy va fosforning so‘rilishini ta’minlashdir. Turli mamlakatlar olimlari tomonidan turli vaqtlarda o‘tkazilgan ko‘plab klinik tadqiqotlar natijalariga ko‘ra, D vitamini yetishmovchiligi diabet, yurak kasalliklari va saratonning ayrim turlarini rivojlanish xavfi bilan bog‘liq. Bundan tashqari, bu vitamin bilvosita kayfiyatni tartibga solishga ta’sir qiladi.

Olimlar o'zlarining yangi tadqiqotida 386 nafar talaba qiz o‘rtasida o‘tkazilgan so‘rov ma’lumotlaridan foydalangan. Ular o‘zlarining diyetasini va o‘tgan oy davomida quyoshda o‘tkazgan soatlarini batafsil tasvirlab berishlari, shuningdek, ruhiy holatini baholashlari kerak edi. 

Barcha natijalarni tahlil qilgandan so‘ng, tadqiqotchilar quyosh ta’siridan qochish va D vitaminiga boy oziq-ovqatlarni kamroq iste’mol qilish umumiy tashvish buzilishi darajasining oshishi bilan bog‘liqligini aniqladi.

Shu bilan birga, olimlar bu yoki boshqa vitaminlarni o‘z-o‘zidan qabul qilmaslik kerakligini, hamma narsa mutaxassislar nazorati ostida bo‘lishi kerakligini ta’kidladilar. Aks holda, bu tana uchun salbiy oqibatlarga olib kelishi mumkin. 

• Lifestyle
• qiziqarli
• salomatlik