G‘arbiy Afrika davlatlari iqtisodiy hamjamiyati (ECOWAS) kuchlarining Nigerdagi vaziyatga harbiy aralashuvi boshlanishining aniq sanasi belgilandi, biroq bu haqda hozircha jamоatchilikga e’lon qilinmaydi.

Bu haqda hamjamiyatning tinchlik va xavfsizlik bo‘yicha komissari Abdel Fatau Musah Gana poytaxti Akkra shahrida bo‘lib o‘tgan Hamjamiyat davlatlari qurolli kuchlari bosh shtablari boshliqlarining yig‘ilishi yakunlari bo‘yicha ma’lum qildi.

“Harbiy yechim bizning afzal ko'rgan variantimiz emas, lekin Nigerdagi harbiy xuntaning murosasizligi bizni bu yo‘ldan foydalanishga majbur qiladi. Nigerda sodir bo‘layotgan voqealar mintaqadagi bir qator to‘ntarishlarning bir qismidir va biz ularga chek qo‘yishga harakat qilyapmiz”, – dedi Musa.

Unga ko‘ra, ECOWAS kuchlarining Nigerdagi vaziyatga aralashuvi qisqa muddatli bo‘ladi va bu mamlakatda konstitutsiyaviy tartibni tiklashga qaratilgan.

• ECOWAS
• Niger