“Hududiy elektr tarmoqlari” AJning “Energosavdo” filiali Andijon bo‘linmasi yetakchi yuriskonsulti pishloq ishlab chiqarish bilan shug‘ullanuvchi MCHJga nisbatan hisoblangan 788,4 mln so‘mlik moddiy zararni bartaraf etib berish evaziga 5 ming AQSH dollari talab qilgan.

Ma’lum qilinishicha, joriy yilning 1-may kuni u so‘ralgan mablag‘ning 500 dollarini olgan.

DXX va IJQKD xodimlari hamkorligida o‘tkazilgan tezkor tadbirda esa qolgan 4500 AQSH dollarini olayotgan vaqtida ashyoviy dalillar bilan ushlandi.

Hozirda yuriskonsultga nisbatan jinoyat ishi qo‘zg‘atilib, tergov harakatlari olib borilmoqda.