18°
Kechasi 7°
Bananlar tarkibidagi radioaktiv element tufayli ma’lum bir xavf tug‘diradi, deydi Pekin Aeronavtika va astronavtika universiteti olimlari Chjan Syaotyan va Lyao Sze.
Tadqiqotchilar ta’kidlashicha, odatdagi zararsiz kaliydan tashqari, bu mevalarda uning izotopi – kaliy-40, salomatlikka salbiy ta’sir ko‘rsatadigan ionlashtiruvchi nurlanish manbai mavjud.
Shunga qaramay, uning mevalardagi miqdori kichik hisoblanadi.
“Bitta bananni iste’mol qilishdan olingan nurlanish dozasi taxminan 0,0778 mikrozivertni tashkil qiladi. Bu arzimas miqdor. Taqqoslash uchun, ko‘krak qafasining kompyuter tomografiyasi 70 ming banan yeyishga teng”, – deyiladi xabarda.
Shuningdek, olimlar vaqti-vaqti bilan manbaning radioaktivligini o‘lchash uchun “banan ekvivalenti”dan foydalanadilar. Masalan, atom elektr stansiyalarining maksimal ruxsat etilgan ta’siri yiliga 2,5 ming meva iste’moliga mutanosib bo‘lib, halokatli dozasi taxminan 35 millionni tashkil qiladi.
Xulosa qilib aytganda, mutaxassislar radioaktiv nurlanish odamni hamma joyda borligini aytib, ayniqsa, rentgen tekshiruvi va kompyuter tomografiyasi paytida , shuningdek chekish paytida ko‘p bo‘lishini eslatgan: tamaki tarkibidagi poloniy-210 va qo‘rg‘oshin-210 bananlarga qaraganda anchagina xavflidir.
Eslatib o‘tamiz, avvalroq O‘zbekiston joriy yilda banan importi bo‘yicha rekord o‘rnatgani haqida xabar berilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
