Falastin ma’muriyati o‘z hududida Qatarning Al Jazeera telekanali faoliyatini to‘xtatishga qaror qilgan. Qayd etilishicha, qaror Falastin Ichki ishlar vazirligi, Madaniyat vazirligi va Aloqa vazirligi rasmiylaridan iborat qo‘mita tomonidan qabul qilingan. Rasmiylar kanal “provokatsion xarakterdagi xabarlarni qayta-qayta efirga uzatgan” degan xulosaga kelgan. Telekanal yolg‘on ma’lumot tarqatish va mamlakatning ichki ishlariga aralashishda aybdor deb topilgan.

WAFA agentligiga ko‘ra, ushbu taqiq telekanal Falastin qonunlariga muvofiq o‘zining huquqiy maqomini hal qilmaguncha amal qiladi.

Ma’lumot uchun, 2024-yil may oyida Al Jazeera telekanali Isroilda ham faoliyatini tugatgan edi.

• Falastin
• Telekanal
• taqiq