“Liverpul” ning yangi hujumchisi Kodi Gakpo o‘tgan yozgi transfer oynasida “Manchester Yunayted”ga o‘tishni kutganini ma’lum qildi.

“O‘tgan yoz men uchun qiyin bo‘ldi. Men xotirjam bo‘lishni istardim, ammo bu qiyin edi. Karyeramni “MYu” da davom ettiraman deb o‘ylagan edim, ammo bu amalga oshmay qoldi. Keyin, “Lids”ning menga qiziqishlari haqida xabarlar keldi, ammo bu variantga men biroz ikkilandim. Yakunda, bu taklifni rad etdim”, – dedi niderlandiyalik hujumchi.

Gakpo mazkur mavsumda PSV uchun 24 ta o‘yin o‘tkazdi, shu vaqt ichida 13 ta gol urdi va 17 ta golli pas berdi. Dekabr oyi oxirlarida u Klopp qo‘l ostidagi “Liverpul”ga o‘tdi.

• APL
• Liverpul
• Manchester Yunayted
• Niderlandiya