Farg‘ona viloyatida jamoat transporti tizimini rivojlantirish va aholiga ko‘rsatilayotgan transport xizmatlari sifatini oshirish maqsadida “Fergana City Bus” MChJ tomonidan Xitoy davlatidan 24 ta zamonaviy avtobuslar olib kelindi. Bu haqda Farg‘ona viloyati hokimligi matbuot xizmati xabar berdi.

Mazkur avtobuslar tez orada Farg‘ona shahri avtobus yo‘nalishlarida brutto-shartnoma asosida aholiga xizmat ko‘rsatishni boshlaydi.

“Yangi transport vositalari ekologik tozaligi, energiya tejamkorligi hamda yo‘lovchilar uchun yaratilgan qulay sharoitlar bilan ajralib turadi”, – deyiladi hokimlik xabarida.

Ma’lumot uchun, 2024–2025-yillar davomida viloyatdagi to‘rtta tashuvchi korxona tomonidan Asia star, Yutong va Zhong tong rusumli jami 96 ta zamonaviy avtobuslar olib kelingan.

• Avtobus
• Farg‘ona
• Import
• Xitoy
• kompaniya