AQSH prezidenti Donald Tramp Venesuelada yuz bergan kuchli zilzilalardan so‘ng mamlakatga yordam ko‘rsatishga tayyor ekanini ma’lum qildi. Bu haqda u Truth Social ijtimoiy tarmog‘idagi sahifasida yozdi.

Trampning ta’kidlashicha, qisqa vaqt oralig‘ida sodir bo‘lgan ikki kuchli yer silkinishi keng ko‘lamli talafotlarga sabab bo‘lgan.

“Venesuelaning buyuk xalqini larzaga keltirgan ikki kuchli zilzila juda katta miqyosda bo‘ldi va ko‘plab insonlar halok bo‘lishiga olib keldi. AQSH yordam berishga tayyor, buni xohlaydi va bunga qodir. Men hukumatimizning barcha idoralariga tezkor choralar ko‘rishga tayyor turish bo‘yicha topshiriq berdim”, — deb yozgan AQSH rahbari.

Shuningdek, Tramp zilzila oqibatida yuzaga kelgan vayronagarchiliklar haqidagi ma’lumotlarni “tasalli bermaydigan” deya baholadi.