Farg‘ona viloyatining O‘zbekiston tumanida 32 yoshli YPX xodimi Spark urib ketishi oqibatida halok bo‘ldi
Viloyat YHXB matbuot xizmati ma’lumotiga ko‘ra, yo‘l-transport hodisasi 31-iyul kuni soat taxminan 23:30 da O‘zbekiston tumani “O‘qchi” MFY hududidan o‘tuvchi avtomobil yo‘lining 20-kilometrida sodir bo‘lgan.
1996-yilda tug‘ilgan A.E. ismli haydovchi mast holda Spark avtomobilini boshqarib kelayotib, xizmat vazifasini bajarayotgan YPX inspektori — serjant Xayitbek Karimjonovning to‘xtash haqidagi qonuniy talabiga bo‘ysunmagan va uni urib yuborgan.
Oqibatda serjant og‘ir tan jarohatlari bilan shifoxonaga olib borilgan. Shifokorlar tomonidan ko‘rsatilgan tibbiy yordamga qaramay, u jonlantirish bo‘limida vafot etgan.
«Marhumning ikki nafar farzandi otasiz qoldi. U oilada to‘rt qizdan keyingi yagona o‘g‘il edi», — degan marhumning mahalladoshlaridan biri.
Serjant Xayitbek Karimjonov 2022-yildan buyon ichki ishlar organlarida xizmat qilgan.
Bosh prokuratura ma’lum qilishicha, YPX xodimining o‘limiga sabab bo‘lgan Spark haydovchisiga nisbatan Jinoyat kodeksining tegishli moddalari bilan jinoyat ishi qo‘zg‘atilgan va unga nisbatan ehtiyot chorasi sifatida qamoq qo‘llanilgan
31°
Kechasi 18°
