Davlat xavfsizlik xizmati va Bojxona qo‘mitasi hamkorligida o‘tkazilgan tezkor tadbir davomida Yangihayot tumanida yashovchi 1963-yilda tug‘ilgan fuqaro hamda uning ikki nafar farzandiga tegishli Toshkent shahri va Toshkent viloyatidagi uchta xonadon ko‘zdan kechirildi.

Tekshiruvlar natijasida “Buserelin”, “Volini”, “Bikana”, “Tirzetta” va boshqa nomdagi jami 29 turdagi 1330 quti kontrafakt dori vositalari aniqlanib, protsessual tartibda rasmiylashtirildi. Dastlabki hisob-kitoblarga ko‘ra, musodara qilingan mahsulotlarning umumiy qiymati qariyb 600 million so‘mni tashkil etadi.

Aniqlanishicha, mazkur dori vositalari Rossiya Federatsiyasidan yo‘lovchilar orqali temir yo‘l va havo transportida kichik partiyalarda olib kirilib, Toshkent shahrida sotilgan.

Hozirda holat yuzasidan ekspertiza tayinlanib, surishtiruv ishlari olib borilmoqda.