“Google” kompaniyasi “Arts & Culture” tashabbusi doirasida yangi loyiha amalga oshirdi. 

Gap shundaki, endilikda Sudandagi Nubiya piramidalari bo‘ylab virtual sayohat qilish mumkin. Misrliklar singari ular ham miloddan avvalgi IV asrgacha mavjud bo‘lgan qadimgi Kush davlati hukmdorlari uchun qabriston bo‘lib xizmat qilgan.

Qayd etilishicha, loyiha Kushning uchinchi poytaxti Meroye yodgorliklariga bag‘ishlangan bo‘lib, unda bir vaqtning o‘zida balandligi 6 metrdan 30 metrgacha bo‘lgan 50 ta piramida mavjud. Interfaol ekskursiya formatida piramidalar va yerosti qabrlarning ichki dizayni namoyish etiladi. 

Ba’zi Android smartfonlari yordamida eng yaxshi holatda saqlanib qolgan qirol Arkamani I piramidasining 3D modelini ham ko‘rish mumkin.

Loyiha oxirida ko‘cha ko‘rinishidagi xaritada alohida piramidalarni ko‘rish uchun havolalar taqdim etiladi.

Ekskursiya ingliz tilida yaratilgan, biroq Google tarjimon yordamida uni tarjima qilish mumkin.

• Google
• Piramida
• sayohat