Hayot gohida qiyin tuyiladi: biz doimo kundalik tashvishlar, maqsad va orzular bilan ovora bo'lamiz. Ammo bu hollarda har doim ham vaziyat aybdor emas. Ba'zida biz o‘zimiz ham hayotimizdagi salbiy voqealarga e'tibor qaratib, o‘zimiz began va'dalar ustidan chiqmasdan hayotimizni qiyinlashtirishimiz mumkin. Quyida yashashni o‘zimiz qiyinlashtirib olmasligimiz uchun nimalarga e'tibor qaratish kerakligini bilib olasiz.

1. Ishingizni ertaga qoldirasiz, ammo ertaga ham bajarmaysiz
Bugungi ishlarni ertaga qoldirgan holda bajarilmagan vazifalardan "tog‘" xosil qilasiz. Qabul qilinishi kerak bo‘lgan qanchalar ko‘p bo‘lsa, yashash ham shunchalar qiyinlashib boradi. Shuningdek, biz dangasalik his qilganimizda aybdorlik hissini tuyamiz. Ishlarni qanchalar ko‘p ortga surganimizda esa, maqsadimizga erishish shunchalar qiyinlashib boradi. Shunday ekan, bugungi ishni ertaga qoldirmang.

2. O‘zingizga dam olishga ruhsat bermaysiz
Ish kunlaridan tashqari dam olish kunlarida ham ishlash insonni stressga olib keladi. Biz dam olishni unutib qo‘ygan holda, barcha narsaga ulgurish va tezroq maqsadlarga erishishni istaymiz. To‘xtab, biroz dam olishga qanchalar kam vaqt ajratsak, yashashimiz ham shunchalar qiyinlashib boradi.
Yaxshiki, biz o‘z vaqtimizmi to‘g‘ri taqsimlagan holda uni nazorat qila olamiz. Kundalik tutasizmi yoki barcha vazifalarni miyada tuzasizmi, buni farqi yo‘q. Kun davomida o‘zingiz va sizga quvonch keltiradigan ishlar uchun bir soatgina bo‘lsa ham vaqt ajrating.

3. O‘zingizni ko‘p aldaysiz
Bizni bezovta qilayotgan narsalardan qancha qochsak yoki inkor qilsak, salbiy hislar shunchalik ko‘p yig‘ilib boradi. Bundan hislarning ko‘pligidan esa, biz o‘zimizni "ezilgan" his qilamiz va hayot ham qiyinlashib boraveradi.
Baxtliroq bo‘lish va oson yashash uchun sizni bezovta qilayotgan narsalarni qabul qiling va ular ustida ishlang.

4. Boshqalar nima deb o‘ylashiga qiziqasiz
Barchaga birdek yoqish yoki boshqalar siz haqingizda nima deb o‘ylashlarini bilib bo‘lmaydi. Barchaga yoqaman deganingiz sayin hayotingiz qiyinlashib boradi. Axir barchaning idealiga moslashishning imkoni yo‘q. Shuning uchun ham o‘z prioritetlaringiz va maqsadlaringizni birinchi o‘ringa qo‘ying.

5. O‘zingizni urishasiz va kamsitasiz
Ko‘pgina insonlar kiyimiga qahva to‘kib yuborib, bunda o‘zlarini qo‘lidan hech narsa kelmasligida, beo‘xshovlikda ayblashadi. Ammo bunday o‘z-o‘zini tanqid qilish va kamsitishga qaratilgan holat hayotni qiyinlashtirish bilan birga ko‘pgina muammolarga sabab bo‘ladi. Qiyini vaziyatlarda o‘zimizni ayblab, tanqid qilish o‘rniga maqtab, ko‘mglimizni ko‘tarishimiz kerak. Qahvani barcha ham to‘kib yuborishi mumkin. Barcha ham xato qiladi. O‘zingizdan ideallik kutmang.

6. O‘zingizni boshqa insonlar bilan solishtirasiz
Ijtimoiy tarmoqlarda omadli insonlarning sahifalarini kuzatgan holda o‘zimizni ular bilan solishtiramiz. Ammo unutmaslik kerakki, biz faqatgina ular ko‘rsatgan narsani ko‘ra olamiz. Va barcha insonlar hayotida qiyinchiliklar bo‘lib turadi. Shuning uchun ham, solishtirishingiz mumkin bo‘lgan yagona inson bu - o‘tmishdagi o‘zingiz bilan hozirgi o‘zingizdir.

7. Qo‘rquv sizning o‘rningizga qaror qabul qilishiga yo‘l qo‘yib berasiz
Biz global omadsizliklardan tortib, uchrashuvlardagi noqulay vaziyatlardan ham qo‘rqamiz. Qo‘rquvga qancha berilganimizda esa, yashash shunchalar qiyinlashib boraveradi. Aslida, qo‘rquv faqat bizning miyamizda. Oson qaror qabul qilish va osonroq yashash uchun o‘z qo‘rquvlarimizni yengishni o‘rganishimiz hamda qat'iyatliroq bo‘lishimiz kerak.

8. Sizga kerak bo‘lmagan buyumlarni ham sotib olasiz
Ba'zi insonlar uchun xaridlar o‘ziga yarasha terapiyaga aylanib ulgurgan. Biz ortiqcha xaridlardan keyin o‘zimiz uyalib qolishimiz yoki juda ko‘p pul sarflayotganimizdan qo‘rqib qolishimiz mumkin. Ortiqcha harajatlar esa, qo‘shimcha moliyaviy stressga olib kelishi mumkin. Shuningdek, keraksiz narsalarni sotib olaverish bir qator qo‘shimcha muammolarni keltirib chiqarishi mumkin. Shu sababli ham o‘zingizni ortiqcha pul sarfidan saqlashga harakat qiling.

• Foydali
• layfxak
• qiziqarli