Ayni kunlarda yurtimiz bo‘ylab Oliy ta’lim muassasalariga kirish imtihonlari bo‘lib o‘tmoqda. Bundan tashqari o‘qishni ko‘chirish istagida bo‘lgan talabalar ham bisyor. Ular orasida o‘zining qabul va imtihon jarayonlari borasidagi oid savoliga aniq yechim va javob topa olmayotganlar ham bor.

Buning natijasida yoshlarda tabiiyki, ko‘plab  savollar tug‘iladi. Shulardan biri o‘qishni ko‘chirish borasidagilari anchagina. Taniqli huquqshunos va bloger Xushnud Xudoyberdiyev o‘zining Telegramdagi sahifasi orqali “O‘qishni ko‘chirish uchun pul to‘lanadimi?” degan savolga:

“Bunda 2 xil qoida bor:

1.  Agar “tashqi perevod” bo‘lsa, ya’ni xorijdan yoki o‘zimizdagi nodavlat oliygohlardan davlat oliygohiga ko‘chirish uchun ariza berilayotganda Bilimlarni baholash agentligiga 187 ming 500 so‘m miqdorida to‘lov qilinadi, chunki ular testga kiradi;

2. Agar “ichki perevod” bo‘lsa, ya’ni bir davlat oliygohidan boshqa bir davlat oliygohiga yoki bir oliygoh ichida o‘qishni ko‘chirmoqchi bo‘lsa, unda hech qanday to‘lov qilinmaydi. Chunki ular testga kirmaydi.

Yana ham oson tushunish uchun:

my.uzbmb.uz sayti orqali ariza berilsa, to‘lov qilinadi; transfer.edu.uz sayti orqali ariza yuborilsa, to‘lov qilinmaydi.

Chunki:

Nodavlatdan va xorijdan davlat OTMga — my.uzbmb.uz orqali;

Davlatdan davlatga — transfer.edu.uz orqali ariza yuboriladi.

Yana bir masala, superkontrakt masalasi faqat “tashqi perevod”da bor, “ichki perevod”da superkontrakt yo‘q” – deb fikr bildirdi.

• Imtihon
• Imtiyoz
• Oliy ta'lim
• Tavsiya