Zamonamizning eng ko'p muhokama qilinadigan biznesmenlaridan biri Ilon Maskning nafaqat faoliyati, balki shaxsiy hayoti va harakteri ham qiziq . Yaqindagina 51 yoshni qarshi olgan Ilon Mask haqida siz bilmagan noodatiy faktlar mavjud.

Bo'shashgan bolakay

Hozirgi paytda Ilon Maskning qo’li tegadigan hamma narsa oltinga aylanadi va birjada narxi ko'tariladi. Ammo yoshligida uni "bo'shashgan bolakay" deb atashgan. Maktab yillarida Mask unchalik mashhur bo'lmagan va doimo haqoratlangan. Bir marta uni zinadan pastga uloqtirishgan, shundan so'ng kichkina Ilon kasalxonaga tushgan.

Hayolparast

Bo'lajak investorning ota-onalari bir vaqtlar Ilonning eshitishida muammolar bor deb o'ylashgan. Uning onasi Mayya bolasining biroz kar ekanligiga amin edi. Maskning o'zi aytganidek, u juda hayolparast bola bo'lgan. Shuning uchun u o'z fikrlariga sho'ng'ib ketadi va bir muncha vaqt dunyodan uziladi.

Yomon haydovchi

Ilon Mask shuhratparast, ammo ayni paytda pulning qadrini biladigan muvozanatli odamdek taassurot qoldiradi. Biroq u boshqa odamlarning ko'ziga sovuqqon ko'rinish uchun millionlab pullarni havoga sovurgan paytlari bo'lgan. Elon Mask o'zining birinchi kompaniyasi Zip2 muvaffaqiyatli sotilgandan so'ng, bir million dollarga McLaren F1 sotib oldi. Biroq, Mask uzoq vaqt sport mashinasini haydamadi. Taxminan bir yil o'tgach, tadbirkor do'sti, PayPal asoschisi Piter Til bilan ushbu mashinaning nimalarga qodir ekanligi borasida bahslashib qoladi. Mask McLaren’ning to‘liq quvvatini amalda ko‘rsatishga qaror qildi va  avtohalokatga uchradi. Darvoqe, sportkar sug'urta qilinmagan edi va unga deyarli zarar yetgan edi.

Kino qahramon

Marvel media franshizasi qahramonlaridan biri - Toni Stark Ilon Maskning superqahramon obrazi sifatida yaratilgan. Tadbirkor "Temir odam" prototipi sifatida tanlangan. Ushbu rolni ijro etgan Robert Daunining tanishi bu xabarni tasdiqlaydi. Aktyor obrazga yaxshiroq ko‘nikish va uni iloji boricha xarizmatik qilish maqsadida tadbirkor bilan uchrashgan. Film yaratuvchilari Ilon Mask hamda bosh qahramon tarjimai holidagi o'xshashliklarni ko'rishadi.  Ikkalasi ham 20 yildan keyin otalarining biznesini meros qilib olishgan, ikkalasi ham raketa fanini yaxshi ko'rishgan, sun'iy intellektni rivojlantirishgan va Yerni qutqarishni orzu qilganlar.

Sirli va tushunarsiz

Katta summalar haqida gapiradigan bo'lsak: Ilon Mask o'zining Tesla kompaniyasida atigi bir dollar maosh oladi. Tadbirkor haqiqatan ham o'z maoishi haqida qayg'urmaydi yoki bu hazilkashlik uchun yana bir sababdir?

Saxiy

Tadbirkor nafaqat biznesni rivojlantiradi, balki, xayriya ishlari bilan ham shug'ullanadi.  Uning loyihasi hisoblangan o'ziga xos Ad astra ("Yulduzlarga") maktabi, ehtimol, Xogvarts maktabiga o'xhsash qilib yaratilgan. Muassasada bolalarga o'qitish uchun muayyan tizim yo'q. Kirish suhbatida esa tabiiy mayllarga, mantiqqa oid favqulodda savollar beriladi. Maskning o'g'illari va SpaceX kompaniyasi xodimlarining farzandlari Ad astrada tahsil olishadi.

Mehnatsevar

Ko'pchilik deyarli uzluksiz ishlashi mumkin bo'lgan Ilon Maskning ishchanligiga qoyil qoladi. Ilonning sobiq rafiqasi Jastin Uilson Maskning ishchanligi, mehnatsevarligi haqida shunday deydi. "Bir kuni u menga shunday dedi: "Ovqatlanish uchun vaqt sarflamasdan ozuqa moddalarni olishni iloji bo'lganida edi, men ko'proq ishlash uchun  ovqatlanishni to'xtatardim". Ilonning bunday mehnatsevarligi rafiqasini ham hayratlantirgani tabiiy.

• Dunyo
• Ilon_Mask
• Tesla
• qiziqarli
• texnologiya