Isroil armiyasining bayonot berishicha, Livan janubidagi Bint Jubayl shahrida shahid Saloh Gandur nomidagi kasalxona yaqinidagi masjidga havo hujumi uyushtirilgan.

Isroil armiyasi masjiddan “Hizbulloh” qarorgohi sifatida foydalanilganini da’vo qilmoqda.

Kecha, 4-oktyabr kuni tunda Livan janubidagi Bint Jubayl shahrida shahid Saloh Gandur kasalxonasi kampusi va uning atrofiga Isroilning hujumi oqibatida 9 nafar tibbiyot xodimi yaralangan.

Ma’lumot uchun, Isroil-Livan chegarasida Isroil armiyasi va “Hizbulloh” o‘rtasida nazorat ostidagi to‘qnashuvlar 2023-yil 8-oktyabrdan beri davom etmoqda.

Livan hukumati ma’lumotlariga ko‘ra, Isroilning 2023-yil 8-oktyabrdan beri Livanga qilgan hujumlari oqibatida halok bo‘lganlar soni 2011 kishiga, jarohatlanganlar soni esa 9535 kishiga yetgan.

• Isroil
• Livan
• Masjid