Forumda jurnalistlar, blogerlar, matbuot kotiblari, media ekspertlari hamda soha vakillari bilan ochiq muloqot bo‘lib o‘tdi. Ta’kidlanganidek, Prezidentimiz Shavkat Mirziyoyev rahbarligida Yangi O‘zbekistonda ochiqlik, oshkoralik va jamoatchilik bilan muloqot tamoyillari izchil qaror topmoqda. Bu jarayonda ommaviy axborot vositalarining o‘rni va mas’uliyati tobora ortib bormoqda.

Qayd etilishicha, bugungi kunda jurnalistika nafaqat tezkor axborot yetkazish, balki jamiyatda xolis fikr, ishonch va sog‘lom axborot muhitini shakllantirishda muhim omil hisoblanadi. Media forumi doirasida milliy media makonini rivojlantirish, professional kadrlar tayyorlash, hududlar bilan tizimli hamkorlikni mustahkamlash hamda raqamli media imkoniyatlarini kengaytirish masalalari muhokama qilindi.

Sherzod Asadov media davlat va jamiyat o‘rtasidagi muhim ko‘prik ekanini, islohotlarning mazmun-mohiyatini aholiga sodda va tushunarli tilda yetkazish hamda fuqarolarning fikr va muammolarini mas’ul idoralarga olib chiqishda soha vakillarining o‘rni beqiyos ekanini alohida ta’kidladi. Tadbir yakunida barcha jurnalistlar, blogerlar, matbuot kotiblari va media sohasi vakillari kasb bayrami bilan tabriklandi.