O‘zbekistonda jurnalistlar va blogerlar tomonidan e’lon qilingan materiallar asosida 2026-yilning dastlabki besh oyida qiymati 159,4 milliard so‘mlik davlat xaridlarida qonunbuzilish holatlari aniqlangan. Bu haqda Korrupsiyaga qarshi kurashish agentligi direktori Akmal Burxonov ma’lum qildi.

Uning so‘zlariga ko‘ra, ommaviy axborot vositalari va ijtimoiy tarmoqlarda yoritilgan 30 dan ortiq korrupsiyaga oid materiallar belgilangan tartibda o‘rganib chiqilgan. Natijada bir qator holatlar bo‘yicha qonunbuzilishlar fosh etilgan.

Akmal Burxonov jurnalist surishtiruvlari har doim ham aybdorlarning jazolanishiga olib kelmasligini, biroq ular korrupsiyaga oid holatlarni ochiqlash, jamoatchilik nazoratini kuchaytirish va yashirishni qiyinlashtirishda muhim rol o‘ynashini ta’kidladi.